ازاي تطلب كارت بايونير لغاية باب بيتك .. مجانا ؟

هنا هنشرح بالتفصيل خطوات طلب كارت بايونير بأفضل شكل سليم ممكن 
و عشان هنشرح بالتفصيل  فاستحملونا لو طولنا شوية يعني .. :D

1 | الخطوة الأولى :  هتطلبه بنظام عادي و لا ريفرال ؟

فيه نظامين لطلب كارت بايونير 

النظام الاول : النظام العادي 
و فيه بتسجل من رابط الموقع العادي  زي اي حد عادي :
www.payoneer.com


 النظام التاني : ريفرال 
بتسجل فيه من رابط واحد بعتهولك حد قديم صاحب كارت بايونير سجل قبلك 

طيب الفرق بينهم ايه ؟
الفرق بينهم هو التالى :

1 -  هدية ال 25 دولار ليك ! 
 فى النظام العادي :
 بعد ما يوصلك الكارت زي ما شرحنا فى المقالة دي 
بياخد منك رسوم ( فى حدود 15 - 30 دولار )  مع اول فلوس بتحولها للكارت من شغلك  

بينما فى الريفرال  :
بتاخد 25 دولار هدية !!
لأنك جاي من حد قديم  ( و هو كمان بياخد 25 دولار برضه !  )
و دي هتكون ميزة رائعة طبعا  
لأن نتيجة كدة بايونير هتسحب منك رسوم الكارت  بس مع المبلغ ده 
هتحس كأن ما فيش اي تكلفة عليك تذكر !
بس ملحوظة مهمة :

الهدية دي بتوصل ليكم انتم الاتنين ( انت و صاحب الكارت القديم ) فقط فى حالة واحدة هي : بعد تحويلك انت لمبلغ 100 دولار على الاقل فى بايونير ( سواء مرة او على دفعات ) !

2 - الوقت :
النظام العادي : 
عادة بياخد وقت فى التحري عنك و انك ما سبقش ليك التسجيل سابقا و انك جاد و غيره لقبول طلبك للكارت 
بينما فى الريفرال  :
الاستجابة بتكون اسرع لأنك جاي بتوصية من حد قديم سبق التحري عنه فبيكون لطلبك الاولوية فى المراجعة و بالتالى بيتم مراجعة طلبك فى اقل من 48 ساعة غالبا 

** هتقولي : طيب اشترك فى نظام الريفرال ازاي ؟  

هقولك شوف اي حد من معارفك او اصدقائك عنده كارت بايونير و قله يبعتلك رابط الاشتراك الريفرال عشان تستفادوا سوا منفعة متبادلة  ..
فى حالة لو مش لقيت اي حد و جديد على بايونير 
فده رابط الريفرال الخاص بيا هدية مني ليك :
http:// share.payoneer-affiliates.com/v2/share/6201517

نفس الريفرال برابط مختصر :
http://bit.ly/Payoneer25Mo

ملحوظة مهمة : هنا فى الموقع ده بنحترم عقلية الفريلانسير و بنشرحله الحكاية كاملة و بنسيب الاختيار ليه 
مش بنحط روابط ريفرال و نضحك عليه و نقوله ده رابط الاشتراك فى الموقع مثلا و الحركات دي :D 
لأني بحترم الفريلانسير و بحب شرح الصورة كاملة ليه  و عدم استغلاله بأى شكل  
عشان ربنا يباركلنا كدة يعني :D

2 | الخطوة الثانية :  تسجيل بياناتك الشخصية 

1 )  تضغط الرابط ( سواء تسجيل عادي او ريفرال زي ما تحب ) 
و لو طلعت لك النافذة دي فى البداية , تختار الاختيار التاني  :   Prepaid master card 

 2 )  تملا البيانات زي الصورة  مع مراعاة انك :
تكتب الاسم بالانجليزي  
تكتب اسمك الاول و اسم الوالد فى الخانة التانية
تكتب ايميل مؤمن عندك و بتدخل عليه بانتظام و يصعب سرقته و اسمه قريب من اسمك
و تكتب تاريخ ميلادك المسجل فى اثبات الشخصية بتاعك ( الرقم القومي )

3 | الخطوة الثالثة :  تسجيل بيانات عنوانك 

 1 ) هنا تملا البيانات لمكان سكنك بالشكل التالى  :
اول خانة = تختار البلد  egypt 
تاني خانة = تكتب اسم الشارع و رقم البناية  ( و بس  )
تالت خانة = تكتب اسم المنطقة  ( المركز او القرية ) و بس 
رابع خانة = اسم المدينة  
خامس خانة = الرقم البريدي لمنطقتك )
( مهم جدا : عشان تجيب رقمك البريدي بدقة =  تجيبه من موقع البريد المصرى الرسمي :
https://www.egyptpost.org/offices.aspx

2 ) هنا تكتب بيانات دخولك للحساب فى بايونير  مستقبلا :
تاني خانة =  تكتب الباسورد و تعيد كتابته فى تالت خانة 
رابع خانة = تختار السؤال السرى  ( زي اسم حيوانك الاليف او فيلمك المفضل ) 
و طبعا يفضل تختار اجابة مالهاش علاقة بالسؤال و معقدة شوية  
عشان ده سؤال يجاوبه اي حد لو فشل يخمن باسورد حسابك و هو بيسرقه  

3 ) هنا تختار نوع اثبات الشخصية اللي متوافر معاك :
 رخصة سواقة
جواز سفر 
بطاقة رقم قومي National Id 
مهم  : فى بعض الاحيان بيطلب منك تحميل صورتها , لهذا جهز معاك صورة صورة موبايل للبطاقة
( صورة لوش البطاقة  فقط واضح فيه البيانات و الاسم و الرقم  مش صورة كاملة وش و ظهر و الكلام ده )
...................

*** تحديث ( أكتوبر 2016 ) : 
حل مشكلة اضافة الحساب البنكي  لمن ليس لديه !

فى التعديلات الاخيرة للموقع  من شهرين   , بيظهر لبعض الاشخاص  لسبب ما .. طلب بياناتهم البنكية 
و هنا قصادك حاجة من  تلاتة  لتجاوز المشكلة  :
- وضع بيانات حسابك البنكي لو وجد   و السويفت كود  
-  وضع اي حساب بنكي  لحد قريبك  و السويفت كود 

و الحل التالت لو مش عندك اي حساب بنكي نهائي  : 
انك تحط :
اسم اي بنك  ( مثلا بنك فيصل او بنك ابو ظبي )  + swift كود الخاص  ( كود تعارف البنك الدولي )   + رقم حسابي من اختراعك عادي جدا   ..
بيمر الطلب عادي  و بيوصل الكارت عادي   
و بعدين :
-  تبعت للدعم الفني تطلب جعل تعريف الطلب بواسطة اثبات الشخصية و ليس الحساب البنكي 
- أو تضيف بياناتك البنكية من داخل الحساب  لما تعمل حساب بنكي محلي مستقبلا لك

*** هو فقط اجراء معلوماتي جديد بيظهر للبعض 
.. مش بيعملوا منه تحقق مالي او تحويل أو اي شيء  ,
لأن الكارت اصلا بيكون فاضي 

*** لو المشكلة استمرت معاك :  ابعتلنا من نموذج الإتصال بالموقع >>

............................

 لو اخترت اختيار بطاقتك الشخصية : هتظهر معاك النافذة دي  
هتكتب فى اول خانة = رقم بطاقة الرقم القومي بدقة
و فى تاني خانة =  البلد اللى صدرت فيه بطاقة الرقم القومي 
( بيتعاملوا على اساس لو كنت مهاجر مقيم فى بلد و بطاقتك من بلد يعني )

 ثم تعلم بالموافقة على اخر ثلاث خانات I agree 

ماذا لو مش عندي عنوان بريدي مناسب ؟
هنا هتلاحظ فى الصورة اللى فاتت  خانة اسمها   =  خانة enter alternate دي لإيه ؟
دي  فى حالة لو انت ساكن فى مكان يصعب وصول البريد اليه او عارف ان فيه مشاكل فى وصول 
الجوابات ليه :
هنا تقدر تدخل عنوان شحن لقريبك مثلا او حد ثقة تعرفه ساكن فى مكان انسب  فى وصول البريد ليه 
يعني مثلا لو انت ساكن فى قرية فى الشرقية و ليك قريب فى القاهرة او اسكندرية , و هكذا  :) 

4 ||| الخطوة الرابعة :المتابعة 

لو اتميت كل الخطوات بنجاح و بدقة دوست order 
بتطلعلك النافذة دي :

معناه ان طلبك قيد المراجعة و هتستقبل ايميل  بالموافقة على طلبك خلال ايام ( او اقل لو ريفرال )
و تقدر تدخل على موقع بايونير بالايميل  و الباسورد  
و تشوف حسابك و تدوس هنا  عشان تتابع اخبار طلبك ايه  و مواعيد الشحن  

فى العادة لو ريفرال  بيستجيب  فى خلال 48 ساعة بالكثير  
و يبعتلك موعد الشحن و اللى بيكون خلال 3 اسابيع  من طلبك بالضبط  
و يقولك فى رسالة حاجة زي : 
بطاقتك هتوصلك خلال الفترة من 2 اكتوبر الى 12 اكتوبر  مثلا )

سؤال شائع : البطاقة ما وصلتش مع ان بايونير بعتتها ؟

فى العادة البطاقة بتوصل , بنسبة ( 90 % )  و فى حالات حصلت مع ناس اعرفهم من اسكندرية لغاية اسوان ( حرفيا ! ) 
لكن فى اماكن بتكون فيها مشكلة فى خدمة البريد او تعقيدات ما 
عشان كدة بايونير طرحت الحل الجديد  اللى هو خدمة التوصيل على حسابها ( مجانا ) 
عن طريق  خدمة البريد المسجل , و دي  مخصوص لمصر 
( الخدمة دي اعلنت عنها بالحرف انها لمصر :D  فى مايو 2015 و انها من اولى الدول اللى اطلقت فيها  )
تفاصيل اكتر هتلاقيها على الرابط ده اضغط هنا 

و لو فيه اي مشكلات تقدر تتابع على خدمة الدعم الفني لبايونير من هنا :
http://paynr.co/11k1eeX 

5 ||| الخطوة الخامسة : الكارت وصلت لبيتك ؟

طيب تمام الحمدلله الكارت وصلت بيتك ؟
مبرووك :D هايل :D
نبتدي بقى نفعل الحساب 
طبعا بتكون وصلتك فى ظرف طويل كدة و بتفتحه بتلاقي جواب ظريف لاصق فيه الكارت زي كدة :

ببساطة هتفك الكارت 
و هتفتح حسابك فى بايونير فى الموقع و هتدوس تفعيل activate زي الصورة >

بعدها هتظهر قصادك الشاشة دي 

تدخل فى اول خانة رقم الكارت 
و تاني خانة الرقم السري بتاع الماكينة ( اربع ارقام تحفظهم صم زي اسمك :D )
ايه فايدة الرقم السري ؟ هشرحلك فى الخطوة الجاية : خطوة سحب الفلوس من البايونير من اي ماكينة صرف

آخر حاجة : 
فى بعض الحالات بيطلب منك ادخال الرقم اللى في ظهر الكارت اللى هو هنا ( زي 123 ) تلات ارقام 

 
هتدخله فى الحساب عشان اثبات عملي انك وصلك الكارت و انك صاحب الحساب 

ندخل بقى على خطوة سحب الفلوس

6 | الخطوة السادسة : ربط الكارت فى الموقع 

هنشرح هنا كمثال الربط فى موقع محترم و ناجح و سهل للجدد زي اب ورك 
و نفس الخطوات تنفع تتطبق فى بقية المواقع سواء فرى لانسر او people hour  مع اختلافات بسيطة 
* بتروح على بروفايلك  فى اب ورك و تدوس من القايمة اللى على الجنب و تطلع setting


* بتطلعلك الصفحة دي  , بتختار منها get paid  


* بتختار اضافة وسيلة جديد من خيار payment methods  
و تدوس  add a payment methods 


* بتطلعلك كل وسائل سحب الاموال اللى تقدر تضيفها  و من ضمنها بايونير   بتسطبها
و بتدخلك على صفحة بايونير اللى فيها بتدخل حسابك على بايونير و بتعمل الربط 
و تستني  كام يوم  بالكتير , لغاية ما يحصل تأكيد الربط  , خصوصا لو كان الكارت جديد ... عشان اب ورك بتراجع بس  اذا كان الكارت مستخدم فى اي حساب تاني فى قاعدة بياناتها , و لو في اي مشكلات بيبعتوا لك 

( مهم جدا : 

انت كمان تقدر تضيف اي وسيلة تانية اضافية , يعني ممكن تضيف باي بال و سكريل و بايونير , و وقت ما تحب تسحب , تسحب على اي وسيلة كل مرة زي ما تحب )

7 ||| الخطوة السادسة : سحب الفلوس 

هنتعامل هنا على اساس انك خلاص اشتغلت على موقع اب ورك او فريلانسير 
و ربط عليهم الكارت و حولت منهم مبلغ محترم كدة  مثلا  قول 200 دولار مثلا 
و جاي دلوقتي لخطوة سحب الفلوس  

ببساطة بتتوجه لأى ماكينة عليها اللوجو ده  ( ماستر كارد ) 

و تدخل فيها الكارت بالطريقة دي 
 (  وش الكارت الملون لأعلي , و ناحية البصمة اللامعة فى اتجاه ايدك مش الماكينة )

ثم تمشي ورا الخطوات دي 
و اهمها ادخال الرقم السري اللى انت حددته فى الخطوة السابقة

و بكدة نقول مبروك
و لو في اي اسئلة تقدر تبعتها فى نموذج اتصال الموقع ( ارسل سؤالك )
او من خلال الرابط ده :  http://ask.fm/blogasks 
و هنرد عليك و نزود اجاباتها هنا :)
بالتوفيق 

أسئلة مكررة  و اجاباتها 

سؤال : هل يمكن ايداع فلوس فى كارت بايونير من خلال الماكينة ؟

اجابة : 
ممكن لو كانت الماكينة بتسمح بالإيداع  ( زي بعض ماكينات بنك CIB ) 
لكن لا ينصح بهذا  لأن :
في كل الاحوال , لو هتودع فلوس بالمصرى من خلال ماكينة فهتتحول دولار بسعر السوق الرسمي , و ده فيه خسارة عليك طبعا  لأنك هتشترى دولار كدة بينما انت عاوز تخزن فلوس بس , بجانب رسم تحويل العملة من مصرى إلى جنيه 
ثم رسم السحب لو حبيت تسحب فيما بعد ..  فالموضوع غير ذات جدوي مش زي الايداع  فى البنوك مثلا فى حساب بنكي محلي فى مصر ... و بايونير عموما حل للسحب من النت مش الشراء
شراء من النت ليها حلول كتير و كروت سهل بتطلع من اي بنك حتى لو سنك 17 سنة 

سؤال : رسوم بايونير عند السحب كام ؟

اجابة : 
على كل سحبة  من كل ماكينة  .. بيكون فيه :  
 خصم 3.5 دولار + 3% من المبلغ  ( رسم تحويل دولي و تحويل العملة )  

يعني مثلا لو بتسحب  200 دولار  زود عليهم ( 3.5  دولار  ) و كمان  3% من مبلغ الـ 200 دولار  يعني 6 دولار
يعني لو بتسحب 200 دولار  .. هتسحب فعليا     209.5 دولار  

سؤال : سعر الدولار  بعد  تعويم الجنيه ( 3 نوفمبر ) بيتحسب فى بايونير ازاي ؟ 

اجابة : 
بيكون حسب اخر سعر من يومين غالبا .. 
و لاحظنا إنه بيكون أقل عن سعر البنك المعلن  بحوالي  170 قرش تقريبا  
يعني مثلا لو لقيت سعر البنك بيقولك مثلا 20 جنيه  للدولار 
هتلاقيه فى الماكينة أقل بحوالي 170 قرش  =  18.3 جنيه مثلا  

أدق حاجة بتعرف منها سعر الدولار لكل بنك هو الموقع ده  اضغط هنا 
البنوك التى تعطيك سعر الدولار قبل السحب ( حسب التجربة هي  ) 
هي بنوك :

بنك HSBC 

بنك الإسكندرية 

كريدي أجريكول  

بنك CIB 

بنك أبو ظبي 

و هى عادة الأعلي فى سعر الصرف أيضا  كما لاحظنا 

**  انسب وقت للسحب  فى ايام الاسبوع :
ايام الخميس و الجمعة و السبت 
بتكون البنوك قافلة و بيكون السعر شبه مستقر شوية 
( ده عن تجربة ناس كتير جدا و ابعتلنا تجربتك دايما  )